როგორ ვიმუშაოთ სავარჯიშოებით

მონახაზი — ტექსტი სპეციალისტს ჯერ არ დაუმტკიცებია.

სავარჯიშოები შენთვისაა: ჩანაწერებს მხოლოდ შენ ხედავ. სპეციალისტსაც ვერ უჩანს, სანამ თავად არ გაუზიარებ.

აზრების ჩანაწერი — როცა უსიამოვნო ემოციას გრძნობ:

• ჩაწერე სიტუაცია — რა მოხდა, სად, როდის;
• ემოცია და მისი სიძლიერე;
• აზრი, რომელიც იმ წუთს მოგივიდა, და რამდენად გჯერა მისი.

ეს სამი სვეტი უკვე სასარგებლოა — დროთა განმავლობაში ჩანს, რა სიტუაციები და რა აზრები მეორდება. როცა მზად იქნები, დაამატე D და E: შეამოწმე აზრი და ჩაწერე ახალი დასკვნა. ბოლოს ისევ შეაფასე ემოცია და დარწმუნებულობა — დაინახავ, რა შეიცვალა.

წრიული დიაგრამა — როცა ერთ ახსნაზე ხარ „გაჭედილი“ (მაგ. „ჩემი ბრალია“):

• ჩაწერე მოვლენა და შენი პირველი ახსნა;
• ჩამოწერე ყველა სხვა შესაძლო ახსნა, თუნდაც უაზროდ მოგეჩვენოს;
• თითოეულს მიანიჭე პროცენტი — რამდენად ხსნის ის მოვლენას;
• რაც დარჩება, შენს პირველ ახსნას ეკუთვნის. დიაგრამა მაშინვე აჩვენებს, რა ნაწილი დარჩა მას.

თუ ჩანაწერის დროს მიხვდები, რომ ძალიან ცუდად ხარ, სავარჯიშოს გადადება შეიძლება. საფრთხის შემთხვევაში დარეკე 112-ზე.