წესები და პირობები

ბოლო განახლება: 2026-11-05

ეს წესები მოქმედებს ყველასთვის, ვინც ამ პლატფორმით სარგებლობს — კლიენტისთვისაც და სპეციალისტისთვისაც.

1. რა არის გულთმისანი

პლატფორმა, სადაც ადამიანს შეუძლია გაეცნოს კოგნიტურ-ბიჰევიორული თერაპიის (CBT) საფუძვლებს, გააკეთოს სავარჯიშოები და დაუკავშირდეს CBT-სპეციალისტს. პლატფორმა უზრუნველყოფს ჩაწერას, გადახდას და შეფასებას. სესიას უშუალოდ სპეციალისტი ატარებს და მის შინაარსზე თავად აგებს პასუხს.

• საგანმანათლებლო მასალა და სავარჯიშოები თვითდახმარებისთვისაა. ისინი არ ცვლის სპეციალისტის კონსულტაციას, დიაგნოზს ან მკურნალობას.
• კითხვარის შედეგი დიაგნოზი არ არის — ის მხოლოდ ორიენტირია, რა შეიძლება იყოს შემდეგი ნაბიჯი. ქართული ტექსტები სამუშაო თარგმანია.
• კლინიკური კითხვარი მხოლოდ სპეციალისტის გზით იგზავნება და მის შედეგს სპეციალისტთან ერთად განიხილავთ.
• პლატფორმა გადაუდებელი დახმარების სამსახური არ არის. თუ საფრთხე ახლა გემუქრებათ — თქვენ ან სხვას — დარეკეთ 112-ზე.

2. ანგარიში

• რეგისტრაციისთვის საჭიროა ქართული მობილური ნომერი და პაროლი. ნამდვილი სახელის მითითება სავალდებულო არ არის.
• ანგარიში პირადია — მისი გადაცემა სხვისთვის აკრძალულია.
• პლატფორმით სარგებლობა შეუძლიათ მხოლოდ 18 წელს მიღწეულ პირებს. რეგისტრაციისას ამას თავად ადასტურებთ.
• 18 წლამდე ბავშვს საკუთარი ანგარიში არ ექმნება. ბავშვის პროფილს (მეტსახელი და დაბადების წელი) მშობელი ან კანონიერი წარმომადგენელი ქმნის თავის ანგარიშში, ბავშვზე ავსებს კითხვარებს და ბავშვს სპეციალისტთან წერს. პროფილის შექმნით ადასტურებთ, რომ ბავშვის მშობელი ან კანონიერი წარმომადგენელი ხართ.
• ანგარიშის წაშლა თავად შეგიძლიათ, თუ მიმდინარე, გადახდილი ჩაწერა არ გაქვთ — რა იშლება და რა რჩება.

3. ჩაწერა და გადახდა

• კლიენტი იხდის ჩაწერისას. თანხა დაცულად ინახება და სპეციალისტს მხოლოდ სერვისის შესრულების შემდეგ ერიცხება.
• სპეციალისტმა შეკვეთა 12 საათში უნდა დაადასტუროს. წინააღმდეგ შემთხვევაში შეკვეთა უქმდება და თანხა სრულად ბრუნდება.
• სესიის შემდეგ კლიენტი ადასტურებს, რომ ყველაფერი რიგზეა, ან 48 საათში ხსნის საჩივარს. თუ საჩივარი არ დაფიქსირდა, თანხა სპეციალისტს ერიცხება.
• ფასს სპეციალისტი აწესებს. პლატფორმის საკომისიო 20%-ია და მხოლოდ დასრულებულ შეკვეთაზე იჭრება.
• ბარათის მონაცემები პლატფორმას არ გადაეცემა. ბანკის ამონაწერში გადახდა ჩანს როგორც NS DIGITAL.

4. გაუქმება, გადატანა, დავა

• წერილობითი სერვისი — გაუქმება შესაძლებელია პასუხის მიღებამდე, თანხა სრულად ბრუნდება.
• ონლაინ და ადგილზე სესია — გაუქმება სესიამდე 24 საათით ადრე, თანხა სრულად ბრუნდება. უფრო გვიან — მხოლოდ დროის გადატანა, რომელსაც ორივე მხარე ეთანხმება.
• სპეციალისტის მიერ გაუქმებისას თანხა ყოველთვის სრულად ბრუნდება.
• დავის დროს თანხა დაბლოკილია. გადაწყვეტილებას პლატფორმის მოდერატორი იღებს შეკვეთის ისტორიის საფუძველზე: თანხა ან სრულად ბრუნდება, ან სპეციალისტს ერიცხება.

5. აკრძალულია

ქვემოთ ჩამოთვლილი ქმედებები იწვევს ანგარიშის დაბლოკვას:

• პლატფორმის გარეთ გადახდის თხოვნა ან შეთავაზება;
• სესიის შემდეგ დამატებითი გადასახადის მოთხოვნა;
• მედიკამენტის დანიშვნა, შეცვლა ან მოხსნის რეკომენდაცია — ეს მხოლოდ ექიმის კომპეტენციაა;
• ტელეფონის ნომრის, სოციალური ქსელის ან სხვა საკონტაქტოს გაცვლა პლატფორმის გვერდის ავლით;
• ყალბი შეფასების დაწერა ან შეფასების საფასურად შეთავაზება;
• სხვისი სახელით ან სხვისი სერტიფიკატით რეგისტრაცია.

6. შეფასებები

• შეფასების დაწერა შეუძლია მხოლოდ რეგისტრირებულ კლიენტს, ვინც სერვისი პლატფორმით გადაიხადა და მიიღო — ყოველ სესიაზე ერთხელ, სესიის დასრულების დადასტურების შემდეგ.
• სპეციალისტის რეიტინგი მისი ყველა სესიის შეფასების საშუალოა და ავტომატურად ითვლება; პროფილზე სამი შეფასების შემდეგ ჩნდება.
• შეფასება საჯაროა, ავტორი — ანონიმური ან მეტსახელით, თქვენი არჩევით.
• სპეციალისტს შეფასების წაშლა არ შეუძლია; მას შეუძლია ერთხელ უპასუხოს.
• პლატფორმა შლის შეფასებას, თუ ის შეურაცხყოფას, პირად ინფორმაციას ან ყალბ მტკიცებას შეიცავს.

7. სპეციალისტის ვალდებულებები

• კატალოგში ჩანს და შეკვეთას იღებს მხოლოდ სპეციალისტი, რომლის მოქმედი CBT სერტიფიკატიც პლატფორმამ გადაამოწმა. სერტიფიკატის ვადის გასვლისას პროფილი კატალოგიდან ქრება.
• ბავშვისთვის ჩაწერას იღებს მხოლოდ სპეციალისტი, ვისაც ბავშვებთან და მოზარდებთან მუშაობის კვალიფიკაცია პლატფორმამ დოკუმენტით გადაამოწმა. ბავშვის სესია მშობლის ან კანონიერი წარმომადგენლის თანხმობით ტარდება.
• კლიენტის გაზიარებულ ჩანაწერებს სპეციალისტი იყენებს მხოლოდ ამ შეკვეთისთვის; ყოველი ნახვა იწერება.
• ადგილზე ვიზიტისას ზუსტი მისამართი კლიენტს მხოლოდ გადახდის შემდეგ ეცნობება.
• დაგროვებული თანხის გატანა ხდება პროფილში მითითებულ საბანკო რეკვიზიტებზე. სპეციალისტი პასუხისმგებელია საკუთარი საგადასახადო ვალდებულებების შესრულებაზე.

8. პასუხისმგებლობის შეზღუდვა

პლატფორმა არ იძლევა გარანტიას სერვისის შედეგზე. პლატფორმის პასუხისმგებლობა შემოიფარგლება კონკრეტული შეკვეთის ღირებულებით.

9. ცვლილებები

წესები შეიძლება განახლდეს. არსებითი ცვლილების შემთხვევაში მომხმარებლებს პლატფორმის შეტყობინებით ვაცნობებთ; განახლების თარიღი გვერდის თავშია.

10. კონტაქტი

კითხვებისა და საჩივრებისთვის — საკონტაქტო გვერდი. კონკრეტულ შეკვეთაზე პრობლემა შეკვეთის გვერდიდანვე იხსნება („პრობლემა მაქვს“).